Suhay Soksay 2023

9 March — The USC-CSS Committee presents CSS WEEK: Suhay Soksay 2023.

KONSENSYA NG BAYAN! HANDA NA BA KAYO SA ATING BAGONG KABANATA?

Sa kabila ng mga pangakong binitawan ng administrasyong Marcos-Duterte, patuloy lang na nalulugmok sa kahirapan ang masang Pilipino. Ang bakas ng lagim ng pandemya ay mas nailantad sa matinding pagtaas ng mga bilihin, pagbaba ng halaga ng piso, kakulangan sa pampublikong serbisyo, at panggigipit sa mga progresibo at kritiko ng estado.

Kaya naman mas bumibigat ang responsibilidad ng mga kabataang hinuhubog ng disiplinang Agham Panlipunan. Hamon sa atin na lumabas sa mga silid-aralan at ilapat ang mga teorya sa pagpapaunlad ng bayan. Paalabin ang diwa at sama-sama nating isigaw ang “Konsensya ng Bayan, Isip ay Ipanday, Mag-aral at Maglingkod Hanggang sa Tagumpay!” ngayong ating pagdiriwang ng ating college week ngayong taon na pinamagatang SUHAY SOKSAY 2023!

Ngayong darating na 13 hanggang 17 Marso, 2023, abangan at makibahagi sa iba’t ibang aktibidad at programang handog ng UPB USC CSS Committee! Ipamalas ang dangal at husay bilang mga Iskolar ng Bayan. Gamitin ang talino at tapang sa paglaban sa demokratikong karapatan at pag-ukit ng kasaysayan. Maging gabay sa pagsusulong ng interes ng masa at pagtataguyod ng malayang lipunan! Suhay Soksay!